前日個爭取普選大遊行，好明顯有兩個人出場時都特別受歡迎，一個係高調復出嘅陳四萬，從唔少市民嗌佢選特首就知，另一個就肯定係馬丁，呢位民主教父，所到之處都被市民包圍，又要簽名又要影相，同大明星真係差唔多㗎。
馬丁得到市民支持都係好應該，點解？因為佢真係好有無私精神。喺遊行當日，有位路過伯伯同馬丁講，因為要返工唔可以參加遊行，又指住馬丁件火鳳凰T恤，問可唔可以送畀佢。馬丁一聽到，即刻當眾除咗件衫送畀嗰位伯伯。八方讚佢好大方，佢就話，如果我唔送，佢未必有錢買，最擔心當然係係有錢都未必買到，所以一定要送畀伯伯先心安，下次大家見到馬丁識做啦。
好彩馬丁裏面件衫同外套都係全黑，繼續響應大會要求。佢重自爆成身衫、褲同鞋，都係借囝囝，因為佢冇黑衫，果然父子一條心爭普選。
爆料熱線：29290000、27860099
報料傳真：26239278
報料電郵：[email protected]