【本報訊】多名市民昨日在電台烽煙節目中，指特首曾蔭權大打「溫情牌」，上周曾自費於報章賣廣告，回應曾蔭權政改方案的馬女士，昨日致電商業電台節目《在晴朗的一天出發》，批評曾蔭權的回應是「真心假意各佔一半」、「我哋都已經等咗二十年。」
北京勿小看港人
馬女士表示，12.4當日一家上街遊行，「香港人喺外國人眼中，真係幾可愛、幾儍，我哋打不還手罵不還口，希望北京唔好睇小港人。」她反駁曾蔭權指有生之年希望看到普選的言論，「要求太低啦！點解要有生之年睇到？我哋都已經等咗二十年。」
遠在英國的彭先生也越洋致電說，「香港係金融中心，但點解港人要上街先可以表達意見？」他質疑曾蔭權的言論欠說服力，「首先，點解通過政改方案就等如邁進一大步？其次，點解無時間表路線圖？如果𠵱家都無路線圖，點可以說服我，同意通過政改方案之後，忽然在策發會又會有個路線圖？」彭先生批評曾蔭權「呃鬼食豆腐」，並呼籲港人一定要迫他作出實質回應。