何韻詩前日坐保母車上廣州，突然有架車跟得好貼，阿詩個司機落車睇吓乜事，即有四名大漢走嚟，阿詩話：「對方架車個車頭燈蓋甩咗，佢哋要我哋賠一千。」當時咁啱有警車經過，對方即時走人，隔一陣又有第二架車過嚟，阿詩決定報警。阿詩話：「我好想落車同佢理論，但同事唔畀，計我話一毫子都唔會畀。」