古巨基、方力申、楊千嬅、吳日言、傅穎（Theresa）和鄧麗欣（Stephy）等，前晚揚威廣州電視台頒獎禮，基仔獨攬五大獎，千嬅獲兩獎，金牌娛樂的歌手共獲二十二個獎項，今年成績不俗的容祖兒卻捧蛋。 廣州直擊
古巨基、楊千嬅和方力申等前晚在廣州友誼劇院出席「2005金曲金榜頒獎禮」，三人是整晚最受現場觀眾歡迎的歌手，獲得四獎的陳奕迅因病缺席，側田則因證件問題沒法出席。千嬅獲得兩獎，成績比食白果的容祖兒優異，可能心情大好，千嬅大合照時與舊愛鄭中基毫不避忌地並肩合照，又有說有笑。
暑假再開騷
古巨基奪得最受歡迎男歌手、年度至尊唱片大獎、年度金曲金獎、全民投票我最喜愛歌手大獎及金曲獎共五個獎項，成為大贏家（詳見附表），他領取全民投票我最喜愛歌手大獎時，由兩位女歌迷及一位小男歌迷頒獎，兩位女歌迷甫見基仔即興奮地親基仔面頰及擁抱他，基仔即害羞得滿臉通紅，他說：「呢啲係西方禮儀，但我嗰吓覺得好突然，腦裏面一片空白，只識得笑，唔係飛來豔福，當係額外獎項啦，我同個小朋友就同性相拒，異性相吸吖嘛！」
基仔表示現在最想放假，他說：「不過想放之餘都好想攞獎，自從演唱會之後都冇放過一日假，所以想農曆新年放到。」基仔又計劃暑假再開個唱，他說：「入咗紙去紅館，不過開幾多場都未知。」
獲得最受歡迎女歌手獎的千嬅則說：「如果冇好嘅碟都做唔到受歡迎女歌手，每個頒獎禮都好公平，我嘅工作目標係攞亞太區最受歡迎女歌手。」
而千嬅舊愛鄭中基獲頒全能藝人大獎，他說：「可能我做嘅瓣數多，拍戲、唱歌又做電視主持，人哋覺得成日見到我，但我唔係瓣瓣精。」
獨立重頭炮
Twins被傳拆夥，提起緋聞女友阿Sa，鄭中基表示她可以歌影兩棲發展，他說：「不過拆開咗之後，好視乎出返嚟第一炮係乜，一定要有好歌或者好戲幫手。」
採訪、攝影：曾小嘉
