嚴淑明最近被指係變性人，佢噚日喺台灣錄影節目《天天啃蘋果》，再次否認變性，不過嚴淑明始終唔肯畀整容醫生驗明正身，同埋點都唔拎張出世紙嚟證明，佢重話：「自從傳我變性，一堆男人約我吃飯。」
自稱不是小人物
嚴淑明雖然口口聲聲否認變性，不過記者清楚見到佢嘅喉核，嚴淑明話：「雜誌說我變性是無稽之談，像Makiyo（羅志祥前女友）也有喉結，我是這三年變瘦了，喉結才變得清楚。」
喺節目度，主持小馬問嚴淑明係咪想藉呢樣嘢嚟炒作新聞，嚴淑明即時好嬲咁話：「我不需要去做這種事，我不是小人物要耍這個小手段。」小馬聽後發火掟筆：「你對我來說也不是甚麼大人物！」現場氣氛充滿火藥味。
小馬又話嚴淑明靠走光博出位，重搵攝影師嚟分析佢喺台灣金鐘獎後，俾人影到喺車上換衫嘅偷拍相，攝影師話現場有燈先會有呢種效果，所以唔係偷拍。
