男人嗜好多，玩完車，有無想過聖誕再型一點，買粒火鑽玩吓，一邊扭軚，一邊閃閃吓，等啲女士望多兩眼。今次汽車版記者就要實地狂買，用三萬蚊試買最大粒嘅鑽石，而在我們仔細研究下，發現到不少買男人鑽石的秘技，而且埋單重平過市價一萬蚊㖭。平安夜駕車時，手指戴上一卡鑽石，放在軚盤上，效果都幾型仔㗎。
記者：伍旋卓
男裝只有一個款，大大隻方形、四個抓、圍上碎鑽，四圍加個銀框邊，細粒扮大粒，俗氣到不得了。今次目標是一卡鑽石，這樣鑲嵌一定會俗氣十足，但市面上的男裝一卡鑽戒，動輒要四五萬元，點算好呢？
散裝GIA平四分一
男人的玩意要是有話題，所以我們目標是有GIA證書的鑽石，市面上有很多種類的鑽石證書，講到有話題，當然係GIA，個個都識，不用解釋，由於有GIA證明級數，所以價錢上落不會太大。
有證書無價講
專家理論一大堆，4C喎，以我們的經驗，J是接近無色的最底線，而VS2是淨度的最低要求，朝向這目標，最終找到這粒標價「＠$29,000」的1.05Ct鑽石，有GIA證書，JColor、VS2，比市價平約一萬元。
罕有親身看鑲嵌
售貨員小姐笑笑口：「先生，呢個價有個『＠』，係代表一卡，呢粒1.05Ct，要貴啲㗎。」
在大金行購買GIA鑽石，會有位GIA鑑定員在你面前用放大鏡證明是證書內的鑽石。GIA的鑽石多數是未經鑲嵌，要另購二千多元的戒指托，可惜三個款都咁娘，惟獨有款凹形托，有四條支柱將粒鑽石升高，好像擺展覽品一樣。為了確保鑽石不會在鑲嵌過程中被換掉，金行邀我們一齊睇住將鑽石鑲在戒指托上，之後戴着戒指駕車，將手伸出車外，型仔到不得了。