無綫姐仔楊怡近日於將軍澳中心開設精品店，出售由母親和胞姊親製的手工藝品，前日她坐鎮店中做生招牌，與她傳緋聞的有米大嚿男友藍偉傑為挺楊門女將，亦到場幫忙看舖順勢拍拖談情。
向來低調的無綫姐仔楊怡，原來近日秘密榮升老闆娘，於將軍澳中心開設售賣手製工藝品的「尋夢園」，前日她親自坐鎮店中做生招牌，與她傳緋聞的有米大嚿男友藍偉傑亦幫忙看舖，兩口子共處面積二百呎的小店中談情說愛兼同心sell客，認真甜蜜蜜。
與家人合資
前日下午約四時，化淡妝、戴cap帽、打扮隨意的楊怡與緋聞男友藍偉傑一同出現於店中，雖然新店面積細小，但亦放滿不少手製工藝品，包括布公仔、陶瓷及手製品工具等，當時楊怡正在sell客。而一身潮人打扮、蓄鬍子的藍偉傑則坐到面對門口的收銀機櫃位處，笑瞇瞇地靜看楊怡推銷。
其後楊怡走到櫃位處，與藍偉傑聊天談情，這時她發現在場有記者，即主動步出店外引開記者注意，未幾藍偉傑就自動消失。
投資六位數的楊怡說：「我今日落嚟睇舖，呢間舖係屋企人夾份今日至開舖第三日，間舖全部啲手工藝品都係姐姐（楊卓娜）同媽咪手造，遲啲重會搵師傅開班授徒，我冇時間做呢啲公仔，係今日咁啱得閒就落嚟看舖。」問楊怡是否邀男友到場看舖？她馬上耍太極笑說：「唔好講呢啲啦，宣傳吓間舖啦。」
曾傳築愛巢
其實楊怡與藍偉傑的緋聞今年七月始傳出來，有報道指年約三十歲的藍偉傑身家豐厚，去年曾在上市公司環球動力控股任執行董事一職，又開設多間從事高科技生意的公司，保守估計所擁物業達一千六百萬港元以上。早前有傳藍偉傑與楊怡曾於太子道築愛巢同居，而楊怡平日代步的MiniCooper座駕也為藍偉傑名下資產。
採訪、攝影：娛樂突發組
