油價由8月高位70.85美元反覆回落逾3個月後，終於見到有分析員調高股價低殘的航空股評級。經紀黃話，11月中曾因為有大陸客被斬倉急跌的中航興業（1110），最值得留意。
中航興業上月中，因斬倉事件由1.60元急跌至1.30元水平，但第二日已經升番上1.40元樓上，之後一直橫行。喺呢段期間有芬佬表示，中航興業基本因素冇變過，股價無端急跌，反而係低吸的時機。而隻股喺上周五終於打破悶局，升4.14％，收1.51元，成交股數增至1391萬股，金額2056萬元。
另外，呢輪新股隻隻都表現出位，同上個月初上市即潛水的海升果汁（359）對比極大，但經紀陳早排講過，海升有關人等正在努力，務求令隻股重返招股價0.83元水平。睇嚟經紀陳此言非虛，海升上周五上升6.58％，收0.81元，就快升番上水面。
海升上周五請咗一班傳媒到西安睇廠，反映公司正努力做好推介工作，以及改善與投資者溝通。
慕容小初