「爭取民主普選，香港人人有責。十二月四日維多利亞公園見。」為呼籲市民參加遊行，蘇女士上月十日心血來潮在《蘋果日報》刊登了一個全版廣告，「我唔係上市公司大老闆，無資格拎一大嚿錢出嚟撻人，只係想做小小嘢激勵市民上街。」
蘇秀然在香港出生成長，看盡香港社會起跌，她是民主派擁躉，見到李柱銘如小女孩遇到偶像般興奮，追隨李柱銘走了二十年民主路，至今未見終點，有時也感到無奈，「真係覺得好艱難，香港人好似一廂情願咁爭取（民主）。」
「香港仔」做事要憑良心
特首曾蔭權強調今次政改方案推動民主，蘇秀然卻認為只是「一粒有毒嘅糖」，若香港人接受後果堪虞，「唔普選特首，佢做得唔好，都無得選過第二個；立法會保留功能組別議席，個分組點票制度，扭曲晒民意，繼續畀大財團、大地產商搵着數，再唔改善，就水浸眼眉，燒到埋身㗎嘞。」
蘇秀然期望曾蔭權、許仕仁兩個香港土生土長的「香港仔」會憑良心為港人做事，「人生在世幾十年，有啲嘢係要做嘅，一日未死，都有責任要負，唔係話爭取唔到就唔做，我希望多啲人上街顯示民意，就算○七、○八冇普選，都希望二○一二有雙普選。」