呢架喺湖中央嘅並唔係一架普通嘅船，而係武漢一名農民李玉民造嘅觀光潛艇（圖：路透社），呢架已經係佢今年設計嘅第三架潛艇。佢話佢嘅設計係市場導向嘅，希望可以向遊客提供「潛艇遊」。每架潛艇可以容納四個人，重一點五噸左右。據悉，李玉民只有小學程度，但係特別鍾意鑽研物理，佢已經花咗三萬蚊人民幣為呢個設計申請專利。