多年前有高官以焗不熟的栗子蛋糕比喻法例難產，今有特首曾蔭權形容醞釀政策如粉糰發酵才能焗成麵包。年近八十的吳兆榮指曾蔭權砌詞，無非要拖延民主進程，「將嚿麵粉放入焗爐，都知焗幾耐就焗得成麵包。做每一件事都要有時有候，民主咁大件事，點可能連時間表都冇？」
吳兆榮稱，香港過去的繁榮，長者有份創造，也分享到成果，近年經濟轉差，下一代卻未必再有以前的黃金機會，「我都想下一代有好發展，所以要上街，為後生仔爭取民主。民選政府先會體恤民情，個社會先會好。」
鄙視富豪過橋抽板
香港特首選舉是小圈子遊戲，吳兆榮批評此舉是搞分化，「應該人人平等，無份投票嘅，就好似二等公民，佢係中國人，我又係中國人，點解我冇權選特首？咁當我哋係乜人？」
小市民要求盡快普選，富豪卻視民主為洪水猛獸，吳兆榮語帶欷歔地說，不少富豪若非當年有幸由內地逃到香港，可能早被「鬥死」，「當年好多財主佬俾共產黨批鬥，嚟到香港先唔使死咋，𠵱家卻話唔要民主，真係諷刺。」