【本報訊】天主教香港教區主教陳日君及民主黨立法會議員李柱銘，一直為下一代爭取民主普選社會。陳日君坦言，他擔心自己沒有機會看到普選，所以港人要站出來爭取；李柱銘也說，若今次香港人不爭取普選，下一代可能不會再有機會有民主普選。
擔心自己看不見普選
陳主教接受本報訪問，擔心自己未必有機會看到普選，所以希望港人可以站出來爭取，不要放棄機會，陳主教「同意」特首曾蔭權所指，十二月是香港民主發展的關鍵時刻，猶如站在十字路口，「如果我接受咗（政改方案），可能會畀人誤會以為我放棄，以為我唔心急，邊個心急就邊個應該表達。」
「佢（特首）成日講話行咗一大步，但唔係向普選行吖嘛，又威脅如果否決就係原地踏步，𠵱家無普選就係無進步囉！」陳日君希望得知何時有普選，重申政府不應帶巿民遊花園，又指當局不提普選時間表，令人懷疑《基本法》所承諾的循序漸進是否有落實的一天，「○四年嘅時候佢話○七、○八唔得（不可有普選），已經好唔啱，但係以後點行佢都應該同我哋有交代。」
要中央承諾一個日子
李柱銘接受訪問時也說，現在已經是香港民主最關鍵時候，「若果今次唔爭普選，畀個方案過咗就唔掂，佢哋就會推兩院制，咁以後唔會再有普選！」
他認為香港人今次無論如何要站出來，要中央承諾一個日子，究竟何時可以有普選，「若果佢話係二○一二有，咁我哋咪等佢幾年，但唔理佢（北京）點改，到最後佢都要喺二○一二畀普選我哋，但若果唔講，（北京）就可以以後唔提。」