梁雪湄曾與嚴淑明同房

梁雪湄噚日去咗中環賀林小湛開演技學校，梁雪湄個好友嚴淑明日前俾周刊話佢係變性人，問梁雪湄信唔信呢段報道，佢話冇同嚴淑明聯絡過，不過性別係乜嘢都唔緊要，因為同人做朋友根本唔應該介意人哋嘅性別。但梁雪湄話覺得嚴淑明係百分百女人，因為佢哋之前一齊去旅行，重住埋同一間房㖭。