黎明（Leon）、李克勤、組合Krusty等歌手昨日演出「青年愛心香港驕傲」音樂會。其間，黎明大歎樂壇競爭激烈，更自認音樂天份低、未及師妹衞蘭出道成績好。此外他又鼓勵眾人做義工，發掘個人潛能之餘亦可減壓。
由香港青年協會主辦的「我係義工：青年愛心香港驕傲」馬拉松音樂會，昨日在香港公園舉行，演出歌手包括黎明、李克勤、何韻詩，以及一班新晉歌手包括衞蘭、應昌佑、側田、組合Krusty等。Krusty的活紀嵐因為右眼弱視，深深體會患眼疾之苦，故表示希望參加奧比斯做義工，幫助有需要的人。
力讚衞蘭側田
黎明是主禮嘉賓之一，即在台上鼓勵一班義工，他說：「做義工係一種運動，可以減壓、識朋友同體驗社會，同埋發掘自己嘅潛能。」對於師妹衞蘭出道第一張大碟銷售成績達金唱片數字（兩萬張），黎明說：「我好鍾意佢隻碟，感覺好好，側田我都有聽，唱得唔錯。我第一次出唱片就唔係咁好，天份唔夠，佢哋天份好過我。」
黎明除了大讚師妹天份高之外，又大歎樂壇競爭激烈，他說：「以前我哋啲歌手出第一隻唱片好驚，賣唔到金唱片就唔要你。十年前我都係金唱片，以前好易，𠵱家呢個市道好難得。」當衞蘭得悉大師兄黎明點名力讚後，顯得受寵若驚，她說：「係咩？我都冇時間見Leon，重想問佢意見。」
克勤摘金風騷
此外，同場的李克勤日前亦推出新碟，首批定單已達金唱片成績，難怪克勤昨日抵達會場時，顯得春風滿面，他說：「人逢喜事精神爽嘛，𠵱家我隻碟由九十蚊炒到一百四十蚊，喺一潭死水嘅樂壇入面令人興奮！」
採訪：楊潔雯 攝影：陳志嵐
