吳君如與谷德昭為有線電視主持節目《昭君出菜》，日前請來君如父母夏春秋夫婦擔任嘉賓，君如懷孕近四個月，但她一直沒有公開承認，肥谷即故意整蠱她，出場時扶着君如，並嚷着說：「小心啲，小心啲，慢慢呀。」君如卻裝儍扮懵。
雙親恨抱孫
冬叔和冬嬸在節目中大讚君如會是個有愛心的媽媽，肥谷卻說：「我反而想睇三姑（指吳君如）餵奶。」肥谷追問冬叔冬嬸想抱男孫還是女孫？二人稱沒有所謂，冬嬸說：「最重要係有孫抱。」君如又自爆家中菲傭放產假，他的弟婦亦有孕，肥谷即道：「嘩，你間屋都幾旺，咁多人生仔！你擺咗棵樹喺屋中間呀？（意指開枝散葉）」此外，冬叔在飲食喜好表上，在敏感食物一欄填寫偉哥，君如笑說：「你即係食過啦？食過先知有敏感！」