趙世曾的趙苑大宅前晚十分熱鬧，他分別借出場地予香港癌症基金會舉行晚會，又邀請百多名培正校友，慶祝畢業五十周年紀念。趙世曾大談求學期趣事，表示當年十分勤力讀書，沒有追女仔，亦不敢整蠱老師。
趙世曾的趙苑大宅前晚分別舉行兩個活動，十分熱鬧，他借出地方予香港癌症基金會舉行晚會，出席名人包括賭王何鴻燊及傅明憲等。趙世曾亦廣發英雄帖，請了與他同屆畢業（一九五五年）的培正學校忠社同學，慶祝畢業五十周年紀念。
難得敍舊
趙世曾與女友Wendy、女兒式芝及兒子Roman盛裝出動招呼賓客，他說：「當年我哋嗰屆有一百六十人，鍾景輝亦係同屆校友，不過佢今晚冇嚟。呢班校友好多都喺外國返嚟嘅，大家咁樣一聚好難得。」前晚所見趙世曾與老同學再見，校友一見他即說：「喂，趙世曾好耐冇見。」又有人問：「點呀趙世曾你？」溫馨又搞笑。
細味當年
談到求學趣事點滴，趙世曾說：「我嗰時都幾曳，成日傾偈，不過都好勤力讀書，成績唔錯，冇追女仔㗎。」當年有沒有整蠱老師？趙世曾說：「我哋嗰個年代唔興，都唔敢㗎。」
問趙世曾當年是否籃球校隊的風頭躉？他說：「當年學校籃球隊分紅、白兩隊，我嗰時唔係打得好叻，到入大學先至係校隊成員。」
採訪：DebbieLum
攝影：ChenWaiOn
