無綫劇集《阿旺新傳》將於下周二播映第三十二集大結局，全城熱切關注由郭晉安飾演的阿旺會否回復正常智商，以及他跟宣萱飾演的阿鳳能否有情人終成眷屬。
雖然近日劇情講述阿旺動過腦部手術後，明顯變得精靈，令不少觀眾滿懷希望可在結局中看到阿旺由儍仔變成聰明仔，但據知頭部中彈的阿旺雖然能完全康復，智商卻不會改變，不過在其誠意打動下，阿鳳最終答應會一生一世照顧阿旺。
而由湯盈盈飾演的醜女李笑好同樣受大眾注目，結局中她未有戲劇性地整容變靚，但打扮變得整潔，看來順眼得多，而且阿好與李家聲飾演的巴基斯坦人林賓以及唐寧與黃宗澤，亦會跟阿旺和阿鳳一樣有情人終成眷屬，齊齊大團圓結局。 採訪：朱倬誼、戴彩煥
阿旺、阿鳳攜手偕老
無綫劇集《阿旺新傳》上周平均有二百二十三萬觀眾捧場，結局一集必成全城焦點，由郭晉安飾演智力發展遲緩的丁常旺，愛上宣萱飾演的草根大學生黃奇鳳，據知結局中阿旺終成功製成老婆仔愛吃的芒果湯圓，惜他接受腦部手術後並沒變成正常人，依然活在單純的世界裏。
安仔：活在童話
阿鳳雖然與阿旺有夫妻之名，實際上二人並未註冊，亦未洞房，而她一直徘徊在阿旺與曹永廉飾演的洛渠成之間，後阿鳳更選擇與渠成一起到美國發展，但春去秋來，阿鳳最終還是選擇返港照顧阿旺。無綫近日為替《阿》劇結局篇造勢，連日來不時播出阿旺被打及強調「好人沒好報」的宣傳片，原來這幕戲是指黃宗澤飾演的阿旺同父異母弟弟鍾子聰被綁架，阿旺奮身營救，令子聰深受感動重燃兄弟情，而這幕戲也為尾聲製造了高潮。
安仔現於無錫拍攝內地劇《新夜光杯》，前晚他接受本報長途電話訪問時，雖不肯透露結局內容，但表示他個人偏好阿旺與阿鳳應有美女與野獸般的美滿結局。安仔說：「阿旺應該同老婆仔一齊，但係用好浪漫嘅包裝，好似住皇宮裏面，快快樂樂咁過日子。阿旺係一個童話故事，唔好將佢帶入現實世界，正常人唔可能會同個儍仔一齊，喺童話故事裏面至會發生咁多嘢，阿旺同老婆仔要係美女與野獸嘅大結局。」
安仔又說：「我覺得阿旺已經係一個品牌，好似麥兜、老夫子同叮噹咁，阿旺做乜嘢都可以令人接受，絕對可以同米奇老鼠一樣擺喺迪士尼，佢最成功係宜古宜今，永遠唔可以改變嘅只係郭晉安演繹阿旺嘅方式。」若阿旺再開第三集有何建議？安仔笑說：「最好由古裝演到未來，佢本來位列仙班，被玉帝貶落凡間磨練，阿旺可以穿梭唔同年代，但都有老婆仔喺度。」
時裝版增難度
安仔先後扮演古、今阿旺，演繹上有何分別？他說：「做時裝難度高好多，今次好多內心戲，掌握得有啲吃力，個角色被其他人睇落去會係一個儍仔，其實佢係唔理人哋點睇佢，佢係一個錫媽媽、好單純嘅人，係我二十年嚟嘅最大考驗。」
