前年林子祥（阿Lam）擔任汪明荃個唱嘉賓時，失足跌落升降台受傷，導致聽覺受損。昨日阿Lam入稟高等法院，控告演唱會主辦單位耀榮娛樂疏忽，要求索償。據知索償額至少一百萬元，張耀榮方面表示這是正常程序。
林子祥前年擔任汪明荃演唱會表演嘉賓時，失足跌落升降台受傷，一度影響聽覺。阿Lam昨日入稟高等法院，控告演唱會主辦單位耀榮娛樂有限公司疏忽及違反法定責任，要求賠償。
正常程序
原訴人林子祥，答辯人為耀榮娛樂有限公司；按高等法院的司法管轄權，審理人身傷亡賠償案，索償額至少為一百萬元。
意外發生於前年五月三十日，阿Lam在紅館擔任汪明荃的「明荃明曲明星2003」演唱會的表演嘉賓。阿Lam在入稟狀指出，因耀榮娛樂有限公司疏忽、違反法定責任及合約，導致他身體受傷，要求賠償。
記者昨日未能聯絡上阿Lam，張耀榮則說：「呢個係正常程序，我冇嘢回應，當年演唱會我哋買晒第三者保險，賠償嘅事保險公司會處理。」
汪明荃則表現得有點驚訝，她說：「吓？阿Lam要入稟法院索償咩？我唔知喎！乜唔係買咗保險，有保險公司賠㗎咩？呢樣嘢你最好都係問番張生，我唔係咁清楚。」
已買保險
汪明荃續說：「不過，以前我就算做新光嗰個粵劇籌款，我都有同幕前幕後買晒保險，因為搭台嘅嘢，唔知會發生乜事，買咗就大家都有個保障，上次我演唱會，張生應該有幫我買（保險），但有冇幫表演嘉賓買，我真係唔清楚！」
案件編號：HCPI1105/05
