劇集《阿旺新傳》結局未有安排阿旺回復正常智商及李笑好由醜變靚，監製黃偉聲表示是因不想劇情變得太抽離和超現實，他說：「我哋做咗好多嘢去鋪排阿鳳接受阿旺呢個人，所以最後佢哋走埋一齊，觀眾都會覺得合理。而且我哋部劇想畀觀眾一個訊息，就係外表其實唔係咁重要，一個人最緊要有內在美，所以我哋唔會將李笑好變靚，或者將阿旺變番正常。」
「湯盈盈係驚喜」
對於劇中演員的表現，黃偉聲說：「郭晉安好明顯有進步，宣萱嘅角色有局限，所以出嚟係比較平穩，湯盈盈就係一個驚喜，我哋估唔到觀眾反應係咁熱烈，其實初初構思李笑好係大細眼同爆唇，但出嚟效果真係好嚇人，我哋擔心咁醜樣會引起觀眾不安，所以最後改成𠵱家李笑好個樣。至於家聲就做到預期嘅效果，其實最初我哋想搵喬寶寶做，但一來佢唔識睇中文，二來佢本身又有份正職。」