謝霆鋒榮獲本年度十大傑出衣着人士獎，不過他昨日下午在電台接受訪問時，未知是否因為他在宣傳唱片時再被記者追問有關舊愛王菲及張栢芝等問題，令他大感不滿，突然向男記者怒吼：「×你××。」
謝霆鋒昨日到商台接受《叱咤樂壇》錄音訪問，他回應日前於台灣電視節目上被問及有關舊愛王菲及張栢芝的身材以及性愛問題時大發脾氣一事，霆鋒解釋該節目一早有向他提及會問有關戀情的問題，但料不出結果會弄至這樣，整個節目只是開玩笑。
記者問霆鋒，若現實中有記者問他王菲及栢芝的身材及性愛問題會怎樣，霆鋒即說：「我會睇吓條問題係咪有挑釁性，如果現實生活中佢係咁問，佢完全冇尊重自己，莫講話尊重人。」
今後不談音樂
不過，霆鋒其後與記者在閒談間，突然大發脾氣說：「做得咁好，又係返番以前咁，問埋啲咁嘅問題，唔×講，以後都唔講音樂嘅嘢。」而霆鋒擺甫士讓記者拍照時，他突然衝前，咆哮地說了一句粗語「×你××」，問候男記者的娘親，但該名男記者則顯得頗鎮定。事後，霆鋒助手周柱輝回應事件說：「佢同個記者講×你××，只係表現出如果有記者真係咁問佢呢條問題，佢會係咁嘅反應。」
而謝霆鋒昨晚往尖沙嘴「亞洲之星號」領取第十九屆十大傑出衣着人士獎項，其他九名得獎人包括容祖兒、黎姿、劉青雲、黃貫中、黃偉文、趙式明、何超鳳、葉梁美蘭及GOD創辦人楊志超。霆鋒再次談及剛對一男記者講粗口事件，他說：「我唔係兇佢，當時佢係問我發脾氣時會點，我就做畀佢睇，係扮發脾氣，我冇搵任何人出氣，臨走時我都有同呢個記者saysorry，呢件事我唔Ｘ（英文字母）講啦。」
黎姿最愛扮靚
此外，黎姿昨晚一身YohjiYamamoto服裝出席頒獎禮，她表示獲演藝以外的獎項亦十分開心，她說：「我今日（即昨晚）戴埋幾十萬嫁妝嚟攞獎，我真係好鍾意買衫扮靚，每次出街揀完衫間房都好似垃圾崗咁。」
採訪、攝影：李珮洳、梁錦雯、葉君海
