真係想唔到首日掛牌勁炒嘅新股可以一隻接一隻，以下限定價的新澤控股（095），昨日掛牌一樣報捷，最高見過0.90元，收0.77元，較招股價0.58元，高出32.76％，成交金額2121萬元。
雖然呢排大陸地產股熱炒，但經紀黃對新澤有不同意見，因為呢排熱炒嘅大陸地產股，主要集中於廣東省或者北京一帶，例如華潤置地（1109）、富力地產（2777）以及麗豐控股（1125）。至於新澤，一來地產項目位於蘇州，並唔係受熱捧地點；二來係公司規模唔大，所以估計未必會炒得好耐。
另外，工業股繼續有表現，經紀黃推介嘅精電國際（710）噚日升咗3.7%。佢話信利（732）亦有得諗，隻股近年生產手機用彩芒，盈利增長幅度驚人，季季業績都增長幾十個巴仙，但因為早排工業股氣氛唔就，所以先至被忽略，但最近就明顯見到有買盤殺到，上升動力轉強。
信利昨日升7.45％，收10.10元，成交股數171萬股，金額1671萬元。
慕容小初