喪子之痛，不但使魏太精神一沉不振，更令罹患紅斑狼瘡症的她病情惡化，近日兩度入院接受治療。
「有時痛十幾個鐘」
「我啲關節痛到不得了，有時痛幾個鐘，有時十幾二十個鐘都唔定，食止痛藥都冇用，郁都郁唔到，早排入院三日，但出院唔夠兩日，𠵱家又要再入嚟。」身在醫院的魏太透過電話，向記者訴說其所受折磨。
三十九歲的魏太，九年前患上紅斑狼瘡症，雖然失去健康，但她擁有一個美滿家庭，彌補遺憾，可是，兩個月前，任職搭棚工人的二十歲次子潤平，工作期間不幸由高處墮下身亡，令她與丈夫傷痛欲絕，每當想起年紀輕輕的兒子為了生計而從事高危工作，更失去寶貴性命，魏太內心便會隱隱作痛。
「𠵱家心情叫好番啲，囝囝嘅身後事大致辦妥，只等埋明年二月抽籤揀骨灰位就搞掂晒，佢嘅遺物我都暫時留番起。」魏太說。
由於二十一歲長子失業多時，只靠潤平及任職倉務員的父親維持生計，潤平猝逝，不但令魏家生活出現困難，更一度無力掏出殮葬費。
感謝善長捐款關懷
蘋果日報慈善基金在事發後於「殮葬專戶」撥款一萬五千元給魏太應急。
記者近日另將善長捐款合共二萬四千七百九十元，轉交魏太簽收。
「先生人工唔多，大仔又未搵到嘢做，有時都要問親戚借錢。好多謝善長呢筆錢，我會留嚟作生活費。」魏太說。
捐款編號：C1820
暖流熱線
電話：29908688
傳真：23702192
電郵：[email protected]
網址： http://www.charity.atnext.com