吳日言、麥浚龍和馬德鐘等前晚在荃灣出席活動，二人將同期推出新曲加精選碟，而吳日言當日以性感造型拍唱片封套時，麥浚龍推門撞見吳日言正在換衫，雖然只是看到背脊，卻令他慘生眼瘡，不過麥浚龍又大讚吳日言的鎖骨十分性感。
薛凱琪、鄧麗欣（Stephy）、吳日言及麥浚龍等前晚在荃灣遊樂場出席「2006荃新接觸」亮燈典禮，馬德鐘則主持亮燈儀式。薛凱琪表示平安夜會同家人食飯慶祝，而她亦預備了手袋及鞋作為聖誕禮物送給雙親。
同期出唱片
吳日言前晚表示，會和麥浚龍分別推出新曲加精選碟，她又稱唱片封套會走性感路線，更會讓人產生遐想，在場的麥浚龍即自爆當日吳日言拍唱片封套時，他撞見對方換衫。
麥浚龍說：「我唔覺意推門入房，見到佢換衫，不過係見到背脊，佢助手遮住佢啲重要部位，但其實嗰度好暗，我唔係睇得好清楚，不過佢個鎖骨好性感，我之後右眼都有生眼瘡。」
麥浚龍還笑稱與對方同期出碟十分輸蝕，他笑說：「佢行性感，自己都輸咗頭炮。」
駐守荃灣區
問到眼瘡情況，麥浚龍表示已看過醫生，他說：「醫生叫我割，不過我驚割完之後會影響工作，所以都係等宣傳期完咗之後先割。」
此外，馬德鐘透露當年他任職警察時是駐守荃灣區，十分天下太平，他說：「唔知點解，當時行親邊都冇事發生，好似冇乜表現，所以先轉去做G4，𠵱家重有同以前嘅隊友聯絡。」
採訪、攝影：駱華齡、藍文浩
