一轉眼，南亞海嘯又快一周年，八方聽聞，紅十字會最近重回災區，拍咗一套紀錄片《一年之後》，安排咗喺今晚同下周六晚上十點半喺有線一台播出，講吓災後重建嘅工作，而最重要嘅係話畀香港人知，佢哋捐嘅錢點樣用嚟幫啲災民。
唔講唔知，香港人一共捐咗超過六億元畀紅十字會去南亞賑災，數目真係唔少，聽講，呢筆錢會分五年嚟使，因為重建工作實在漫長同艱難。
紅十字會今次搵咗港台已經退下火線嘅紀錄片監製梁惠儀出山，前亞視嘅李玉蓮同有線嘅曾楚群亦客串幫手重返災區，至於前TVB嘅楊陽就擔大旗，總之個個都係有經驗嘅專業人士啦。
舊年聖誕，一場海嘯，奪去數以萬計人嘅生命，亦將佢哋嘅家園盡毀，一切由零開始，真係談何容易。
爆料熱線：29290000、27860099
報料傳真：26239278
報料電郵：[email protected]