向海嵐日前在廣州拍攝了一個沐浴露廣告，難得不用濕身淋浴，只要騷騷玉背便完成任務。導演還以向海嵐的港姐冠軍身份做生招牌，安排她在鏡頭前戴上假鑽冠，讓她重溫當年獲獎的一幕。
向海嵐近日在廣州拍攝了滋采沐浴露廣告，大晒玉背，廣告商還安排了一個假鑽石冠給她戴上，以港姐冠軍做生招牌。
帶定泳衣打底
首次拍攝沐浴露廣告的向海嵐，一早做好心理準備要當眾沖涼，她日前在電話中說：「我都帶晒泳衣做打底，諗住要拍濕水鏡頭，點知導演只係要求我露背企喺花灑下面，我諗呢個都算係一個拍得最舒服嘅沐浴露廣告。」
導演又安排了假鑽冠給身為港姐冠軍的向海嵐配戴，她說：「我都喺嚟到拍先知有呢個構思，我戴呢個假冠時都好感觸，諗番起自己九八年攞獎嘅情況，真係好懷念。」向海嵐的真冠冕放在保險箱內，她說：「我去親銀行都會拎出嚟睇吓，都保養得好好。」
想拍婚紗廣告
問到向海嵐最想接拍甚麼產品的廣告？她說：「我好想拍婚紗廣告，我覺得女孩子穿起婚紗真係最靚嘅。」婚紗廣告是一雙一對，那向海嵐欲找哪一位男藝人當新郎，她說：「我最近同三哥（苗僑偉）合作多咗，我覺得佢好有型，同期嘅五虎中，我都好欣賞劉德華。」
採訪：比華利
