香港地有啲人鍾意喺街度周圍畫畫，但咁做分分鐘會俾警察拉；不過，遲啲佢哋可以大模大樣，堂堂正正，鍾意點畫都冇有怕。
唔通政府改咗例？非也。原來係太古地產喺鰂魚涌糖廠街搞意式街頭粉筆畫創作日，請嚟六個國際粉筆畫大師，聯同本地十五間學校逾百名學生，今個拜六日，一齊畫幅十六呎乘二十四呎巨型粉筆畫，重將糖廠街變成好似意大利街頭嘅露天廣場。另外，現場會有意式面譜製作、及音樂表演等。
太古地產今晚會有個開幕酒會介紹，董事總經理詩柏都出席，當然希望引起市場注意，可見太古地產對推動文化藝術真係不遺餘力。
電郵地址：[email protected]