江蘇省泰興市溪橋鎮噚日被中國輕工業聯合會同中國樂器協會封為「中國提琴之鄉」，全鎮年產各類檔次嘅提琴達五十八萬個，年產值三億元（人民幣，下同）。產量佔全國六成以上，可以滿足兩成嘅國際市場需求。溪橋鎮造提琴已有四十幾年歷史，鎮內遍布家庭式嘅造琴作坊，又有年產過億元嘅提琴生產大企業，年銷售五百萬元以上規模嘅廠家都有十間。