繼八六年吳宇森重拍龍剛於六七年執導的《英雄本色》後，馮德倫明年二月亦會重拍此片，並找來周杰倫飾演謝賢及狄龍的角色，陳冠希扮演其胞弟（即王偉及張國榮的角色），女主角則是舒淇。
吳宇森一九八六年以六十年代龍剛執導的黑白片《英雄本色》為藍本，開拍了一部同名電影，除找來狄龍扮演當年謝賢的角色及張國榮飾謝賢胞弟王偉的角色外，更新增了一個由周潤發飾演的Mark哥角色，結果該片上映後叫好叫座，更打破當年香港票房紀錄，風頭一時無兩。
版權問題
被迫棄吳宇森版本
據知馮德倫一直希望重拍吳宇森版本的《英雄本色》，並計劃與英皇合作，可惜最後因版權問題而被迫放棄。近日馮德倫決定與寰亞電影公司合作，重拍當年龍剛版本的《英》片，初步決定由周杰倫扮演謝賢的角色，陳冠希飾演周杰倫片中的胞弟，舒淇則扮演嘉玲當年在片中的香港釋囚協會幹事麥思欣一角，而劉青雲和黃秋生亦會參與演出，預計新片會投資二千萬港元。
記者昨日致電向馮德倫求證時，他承認說：「原本我係想拍吳宇森版本嘅《英雄本色》，可惜版權傾唔成。吳宇森個版本同龍剛嘅版本雖然同名，但吳宇森版本有好多角色係自己創作，好似周潤發飾演嘅Mark哥咁。」
一見鍾情
專程飛新加坡洽商
馮德倫續說：「後來我決定重拍當年龍剛嘅版本，呢部係黑白片嘅經典，我睇完之後好鍾意，好想重拍呢部戲，早排我專登飛去新加坡，同一位叫何建業嘅人買咗龍剛版本嘅版權，預計出年二月左右開拍。」
馮德倫表示新片會以現代作故事背景，並由曾謹昌編寫劇本。問到是否由周杰倫、陳冠希、舒淇和劉青雲擔演時，馮德倫表示除陳冠希外，已跟其餘三位演員作初步接觸，他說：「我初步同周杰倫傾過，八號佢嚟香港嘅時候我哋會再傾，而舒淇同劉青雲亦有初步接觸，但陳冠希就未有時間同佢傾。不過，所有嘢等劇本出咗之後先至公布。」
謝賢大讚
「係當年嘅經典電影」
另一方面，記者昨日致電謝賢，問到由周杰倫扮演他當年在《英雄本色》中的角色有何看法時，謝賢說：「點知啫，一部戲最緊要睇劇本，我都唔知劇本寫成點，冇意見。」再問謝賢可有看過周杰倫在電影《頭文字D》中的演出？謝賢說：「冇，唔清楚，當年拍同𠵱家拍嘅年代都唔同，好難比較邊個演邊個嘅角色適唔適合，不過我都知《英雄本色》係當年嘅經典電影。」
採訪：陳月媚、比華利
