噚日係必勝客進入中國大陸嘅十五周年慶典，第一億個客人噚日喺北京嘅東直門店出現，幸運兒係一名女顧客。中國百勝餐飲集團為咗隆重其事，由必勝客品牌總經理羅維仁親自出馬招呼佢，𠱁到女顧客鬼咁開心。計落必勝客十五年前喺大陸開第一家店，至今分店已近二百間，分布喺五十幾個城市，賣出嘅Pizza有成五千多萬個。