過檔渣打集團出任亞洲區副主席的前金管局副總裁陳德霖（圖），昨日第一日到渣打上班，一眾電子傳媒記者，在總行大堂等候這位金融界新貴。打住淺綠色領呔的Norman（陳之洋名），心情靚靚咁回應記者簡單的提問。陳德霖話，加入渣打是新嘗試，希望可以充份發揮所長，對於自己從金管局轉職銀行，他強調無利益衝突。
渣打亞太區高層均坐鎮新加坡，但Norman的辦公室仍然留在香港，與位處渣打大廈32樓的渣打香港行政總裁蘇利民為鄰。據悉，Norman稍後還會前往英國向大老闆述職。
曾協助特首曾蔭權搞選舉工程的陳德霖，最近亦入咗策發會，他說特首前晚嘅講話，已清楚交代本港情況，他又認同本港正處於十字路口的比喻。以往做金管大員時，Norman出名低調，一見記者提問便耍手擰頭，家吓唔做官轉做年薪逾千萬的賓架，果然市場主導，政治財經通通冇問題，最緊要可以提高知名度。