Soler日前到銅鑼灣一護膚店購物，兩人除自爆曾是女朋友的護膚實驗品外，兩兄弟還即場做了皮膚測試，結果弟弟Dino的皮膚證實比哥哥Julio幼滑。
二人組合Soler日前忙裏偷閒到銅鑼灣Biotherm分店掃貨，外形粗獷的哥哥Julio和弟弟Dino，入行後愈來愈着重儀容打扮。
Soler在店內虛心地向售貨員詢問自己的皮膚性質，以及甚麼產品適合自己採用。兩人更即場做了一個皮膚測試，而Dino的皮膚還證實比哥哥Julio要好。
入行更注重儀表
Soler透露入行後花了不少金錢於化妝品，Juilo坦言：「其實外向嘅工作真係應該注重自己嘅外表，尤其係呢行，好影響人哋對你嘅感覺。」原來Dino入行前已懂護膚之道，Dino說：「因為我有朋友係美容師，所以有專人教我點護膚。如果呢個牌子搵我哋拍廣告重好，咁就多個贊助，可以慳番唔少！」
偷用女友護膚品
男士護膚少不免都跟女朋友有關，問Soler二人可曾試過當女朋友的試驗品？Dino說：「都有㗎，我重試過偷偷哋用女朋友嘅護膚品，俾女朋友發現咗，不過通常女仔都唔鍾男仔用佢啲護膚品嘅。」
而哥哥Julio雖然也試過讓女友替自己護膚，但感覺就不太好，他說：「因為我唔係咁姿整嘅人，不過入咗娛樂圈就唔同，我哋開始學化妝，因為呢啲係做藝人必要識嘅。」
採訪、攝影：胡比
