容祖兒昨日在米奇和米妮陪同下,為香港迪士尼樂園主持聖誕樹亮燈儀式,酬勞雖只得一籃迪士尼公仔,但已興奮莫名。祖兒還向聖誕樹許願,希望第二天醒來沙啞的聲線會痊癒。
容祖兒昨日以嘉賓身份到香港迪士尼樂園主持首棵奇妙聖誕樹亮燈儀式,由穿上聖誕服飾的米奇和米妮陪同下步進美國小鎮大街。亮燈儀式開始時,大會以灑下閃令碎紙代替按鈕,六十呎高聖誕樹即閃閃發光,加上飄雪效果,令現場遊客嘩聲四起。
祖兒表示今次出席活動沒有酬勞,只得一籃迪士尼卡通公仔,她說:「為奇妙聖誕樹亮燈咁開心,唔使錢啦。」祖兒與米奇、米妮合照時握手親臉,畫面有趣,不過她謂比較喜歡唐老鴨,她說:「米奇同米妮對耳仔大到整到我,個鼻又撞親我啲唇膏呀。」
聲沙迫封嘴
祖兒近日生病致聲音沙啞,她說:「醫生叫我一個月唔好唱歌,就嚟頒獎禮邊可以唔唱?咁大鑊!」祖兒稱向聖誕樹許了願,她說:「喺呢個奇妙嘅地方許願,希望聽日醒番把聲就冇事。」
提到陳奕迅也因聲帶問題而封口數日,祖兒說:「醫生要我封一個月,我噚日拍廣告到今朝十點,只瞓咗一個鐘,如果有時間我會去南京針灸,我重食咗啲類固醇藥,搞到個人好腫,腫到好似西環浮屍呀,不過我有嘢做重精神過冇嘢做。」
想收健身機
祖兒表示自從開幕禮當天後,再沒機會到迪士尼遊玩,母親早前卻與朋友入住迪士尼酒店,玩得不亦樂乎,祖兒說:「我阿媽唔敢玩機動遊戲,細膽喎,唔知迪士尼遲啲會唔會有鬼屋呢?」祖兒表示最想收到的聖誕禮物是健身機,若沒有人送也會自己購買。
採訪:李珮洳 攝影:何國豪