近排中文報業混戰，雖然燒唔到英文報章，但《亞洲華爾街日報》推出小報版，反映英文傳媒競爭不比中文報紙弱。噚日《南華早報》就宣布人事變動，相信係為咗迎戰未來。曾做過《遠東經濟評論》及《Euromoney》等刊物高層嘅PaulineLoong，會出任ManagingEditor，原任新聞採主嘅GregTorode就調去做新設嘅亞洲首席通訊員，負責區內新聞。採主個位就由年輕嘅中國組新聞採主Linda蔡少綿出任。連埋總編輯Fanny馮惠儀，南早高層可謂女人天下。
另外，老臣子Daniel關顯基則升任中國新聞採主。財經組嘅ElaineChan會調去做中國新聞副採主。另外又會成立調查報道組，由Quinton陳旭權領導。