我哋三兄弟經過上次把酒談心，已經冇乜事，加上聖誕新年逼近，又要忙住幫客搞聖誕Party和除夕倒數晚會，大家都忙到死，根本唔得閒理呢啲婆媽嘢，早排Susan斟我過檔一事都未得閒去諗啦！呢排連Jessica都好少見，佢開始詐型，話我點都要喺聖誕期間抽四日陪佢外遊，話想去浮羅交怡過一個熱辣辣嘅聖誕，食佢最愛嘅喇沙。我都想去旅行充電唞唞氣，但嗰段時間放假簡直係妄想。喺Pantry撞到為食Joe，問佢有乜好計。佢就話：「唔一定要去馬來西亞先至可以食喇沙，太子美食店呢個月做椰漿美食推廣，一樣有喇沙食。而且重有大量椰汁做嘅甜品，一定啱女仔口味。」有為食Joe呢本飲食字典喺身邊，點會捨得同佢反枱吖！
（十四）
「椰香傳奇」美食精選巡禮
地址：尖沙嘴馬哥孛羅太子酒店3樓太子美食店PrinceDeli
查詢：21136026