連番加息，大小銀行都鬼咁積極開拓非利息收入既業務，好似大新銀行就拍住VISA及Sanrio，趁聖誕及新年前推出GiftCard，重出動埋HelloKitty做魚餌！
大新銀行零售銀行處產品及市務部主管陳偉思（圖左一）同華華講，GiftCard係StoreValue卡，好似八達通卡，用之前要先存錢落去，由100至5千元不等，有效期9個月，只要有VISA標誌嘅商店就用得，喺美國好流行，這卡嘅業務至今已經存入咗成1.85億美元款項，計落條數唔講得笑架！
不過，呢張卡暫時只限入一次錢，用完唔可以再增值，想知剩番幾多錢就要打電話或者上網先查到！陳偉思話張卡係無名嘅，自用或送畀親朋都得，明年1月前買可免收10元手續費，畀多138元重可買埋HelloKitty別注版GiftSet（12月9日有售），得幾千個咋，想買就趁手啦！