聖誕快到，由香港電台第三台同《南華早報》合辦嘅籌款活動「愛心聖誕大行動」，噚晚喺山頂廣場峰景餐廳舉行揭幕禮，大會請嚟特首夫人曾鮑笑薇，同廣播處處長朱培慶等主持亮燈儀式。今年嘅受惠慈善團體共有十二個，好似兒童心臟基金會、長者安居服務協會，同埋扶康會等。各團體代表按聖誕習俗將一隻紅色襪，掛喺一個假火爐上，以示希望有人會好似聖誕老人咁，將禮物放入襪裏面，即係捐錢畀佢哋。
該活動為期一個月，捐款人士可將捐款支票寄到鰂魚涌《南華早報》，並註明「愛心聖誕大行動」捐款，查詢可致電：22503397或23396417。噚晚出席嘅嘉賓尚有「蘭桂坊之父」盛智文、多國駐港總領事或代表、中聯辦代表同埋行會成員梁智鴻。
傳真︰2623-9278
電郵︰[email protected]