施念慈（Celia）離婚後養了迷你玩具貴婦狗Puru做伴，雌性的Puru現時八個月大，貌似啤啤熊公仔十分可愛。施念慈指狗仔比男人更有安全感，她說：「狗對主人好忠心，畀佢食就得啦，唔會背叛你。」
施念慈去年與陳鴻業離婚後，因為一個人住寂寞，於今年五月尾用七千多元買了迷你玩具貴婦狗Puru，施念慈笑言找狗仔陪，比找個男人更有安全感，她說：「狗好忠心，心入面只有主人，畀佢食就得，唔會背叛你。」
玩具貴婦狗有四種大小，以大至小分別是標準型、迷你型、玩具型和茶杯型，玩具型一般重三至七磅，Puru算是比較大隻，施念慈說：「我對玩具貴婦狗有情意結，以前貴婦狗主要係白色、黑色，後來日本人溝咗啡紅色出嚟，重將佢裝扮成啤啤熊咁。Puru一個月要剪一次毛，同師傅講剪啤啤妝就得嘞。」
為愛犬徵婚
喜歡日本的施念慈連小狗亦改了日本名Puru，剛買Puru回家就發現牠生蝨，施念慈連續三日替牠捉蝨，捉了四十多隻，她說：「捉咗幾隻蝨，就要搵滴露洗手，洗完再同佢捉，Puru好乖，每次佢坐喺度個幾鐘畀我捉蝨。」
施念慈十三歲時曾養貴婦狗，到九九年老死，同年她和當時的男友分手，施念慈說：「隻狗死我真係好傷心，重傷心過分手呀！之後我一路都想養番隻貴婦，直至見到Puru先合眼緣。我𠵱家要幫Puru徵婚，希望佢可以一代一代咁延續落去，將來佢過身我都唔會咁傷心。」
怕大聲喝罵
施念慈續說：「貴婦好易養，馬戲團好多時會搵佢哋表演，因為佢哋好聰明，好似Puru咁，返嚟一個禮拜已經識得去廁所同畀手，好易教，不過做錯嘢一定要鬧，狗仔最驚唔係痛，而係聲音，要大聲鬧佢，或者用報紙捲住打佢，啲聲佢會驚。」
採訪：張止寒 攝影：何國豪
