麗新系幾家上市公司噚日出咗最新年報，相信好多人都想知，自父親林百欣離世後執掌麗新系嘅岳少林建岳，舊年攞咗幾多人工？
根據年報披露，岳少舊年薪津連退休計劃供款，一共收咗800萬元，喺麗展最高薪酬嘅董事；喺麗新國際包括董事袍金、薪津同退休計劃供款，一共𢭃咗59.4萬元；喺麗豐控股就攞咗200萬，喺鱷魚恤攞1萬，雖然麗新系經過一輪重組，麗新發展同豐德麗有互控關係，但持股量唔過五成，除咗鱷魚恤盤數要綜合喺麗國度之外，其他各家公司盤數各自獨立，換言之，唔計鱷魚恤𢭃嗰1萬，岳少舊年喺麗新系嘅年薪夾埋合共1059.4萬元，重未計豐德麗嗰份。
至於岳少兄長林建名，雖然只係收麗國同麗豐兩家公司嘅酬金，但麗國收614.3萬，麗豐就收416萬，唔計鱷魚恤收嘅250.8萬元，舊年年薪夾埋都有1030.3萬元。除咗麗新系，城市電訊亦刊發最新年報，主席王維基舊年薪金連花紅同退休供款，合共收685.9萬元。