寫字樓租金愈嚟愈貴，唔少租客迫住變成業主，九龍灣企業廣場三期，就接連出現外區租客置業，中記話，二十三樓○八室海景單位，近二千二呎，外區租客用八百四十二萬買入，每呎近三千九。
隔籬○七室，近月以三千九百五十蚊呎賣出，買家都係租轉買，用開尖沙嘴寫字樓，因為租金升幅大，要搬。
○八室嘅買家，就租開港島寫字樓，由於睇好九龍灣長遠規劃發展，所以趁低吸納。
九龍灣有唔少發展中優質寫字樓及酒店，遲啲Megabox超級商場起好，相信會進一步刺激區內商業活動，𠵱家嗰度寫字樓個價，只係尖沙嘴與港島核心嘅三分一，升值潛力好大。
電郵地址：[email protected]