立法會噚日辯論長毛提嘅普選動議，除咗馬力、田少同呂明華之外，啲保皇黨個個收晒聲咁滯，搞到辯論火花欠奉。長毛想駁斥呂明華期間，突然之間唔記得呂明華個名，叫咗佢做唔知呂華明定李華明，無啦啦拉咗肥仔明落水。
立法會都選咗成年有多，加上呂明華主持嘅政制事務委員會成日出事，長毛重係唔記得啲同事嘅名就認真抵打！不過，八方噚日同一啲同事講開，佢哋一樣搞錯，以後恐怕呂明華要多啲亮相先得。
長毛今次返唔到大陸見喬曉陽，啲民主派就打算邀請佢嚟12.4遊行。李卓人話，到時會留個VIP位畀喬公，畀佢坐喺遊行隊頭架貨車嘅車尾上，雖然貨車車尾坐人可能犯法，但係啲差佬應該唔會周佢啦。
傳真︰2623-9278
電郵︰[email protected]