「……你話係咪佢唔啱吖？」慧慧每次同Dave嗌交，便走來向我訴苦，叫我給她意見，但每次都是我有我講，她有她執迷，我還是當個乖乖的聆聽者好了。「喂喂喂，唔開心都咪拎我啲蕹菜嚟發洩！」慧慧邊講邊把我剛摘下來的蕹菜搣成兩截，我覺得好像搣我忽肉咁，好鬼心痛呀！「你咪講過，啲菜可以唔使用種子都種到，只要將佢搣開兩截，分別斜插在田，確保葉同莖之間生根部份埋在泥土內，十日八日後就有兩棵新嘅菜出嚟嘅！」乜發脾氣都發得咁清醒咁有記性！唔單止蕹菜，西洋菜同苟杞都得㖭，但苟杞就要半個月才可以開花結子，「但你可唔可以唔好咁粗暴，橫枝一般都比較瘦弱，要多啲肥料至可以種到，所以喺屋企花盆種，都唔一定成功㗎！」「……一刀兩斷，植物都可以重生，點解我唔得嘅？」「你自言自語講乜呀，快啲幫手插啲菜落田啦！」（五十一）
阿花