好耐未見過新股首日表現咁熱鬧，來自馬拉但在大陸搞百貨業務的百盛集團（3368）來勢洶洶，首日掛牌最高見12.30元，收12.15元，比起招股價9.80元，高出23.98％咁多，近期除領匯（823）外，都未見過咁熱鬧嘅場面。
百盛昨日成交暢旺，成交股數有5359萬股，金額高達6.42億元。
經紀黃話，百盛的例子再次證明，芬佬現時焦點仍放在大陸消費股身上，呢個係百盛咁受歡迎嘅原因。
另外，冷門股松日控股（283）昨日公布截至今年9月中期業績，盈利較去年同期上升15.79％，有1.52億元，最正係除中期息5仙外，重有特別股息7仙。
經紀黃話，松日經常不惜工本為旗下生產的MP3大賣廣告，相反在證券界方面就比較低調，但其實隻股都有芬佬捧場，好似在年初以2.60元批股時，亦有芬佬要咗貨，但揸到𠵱家則仍要坐緊艇，今次豐厚股息算係一啲補償。
松日昨日升1.33％，收1.53元，成交股數僅15.4萬大股，金額23.56萬元。
慕容小初