李嘉誠基金會噚日公布捐出二千五百萬加元（折合約一點六六億港元），畀加拿大多倫多大學嘅教學醫院「聖米高醫院」，作為成立一間結合研究同教學嘅獨特研究院，名為「李嘉誠知識研究院」，實行將學術同臨床醫學知識結合同轉化，呢筆係醫院歷來收到嘅最大筆單一捐款。
該醫院喺一八九二年成立，主要服務貧困社區。李嘉誠喺新聞稿中話，醫院真誠服務病人，「令人份感清新，格外感動」，藉機不點名批評一啲人，「今天，我們被各種大道理、大『主義』疲轟着，寬己嚴人高叫漂亮道理的人太多，身體力行、關心社會及貢獻於其實質進步的人又太少。」
另外，港大話好快會動工將李嘉誠大名放上醫學院大樓。八方提議，嚟緊禮拜日可能係動工大吉日，因為郭家麒要去遊行，實冇時間去阻止工程進行啦。
傳真︰2623-9278
電郵︰[email protected]