名模楊崢（Vanessa）和黃家諾（Jimmy）擁有人人都想要的Model身形，別以為他們時常要節食減肥，其實他們跟一般人一樣，吃得同樣多。對於KeepFit他們有自己的一套看法，他倆同樣喜歡吃Mr.Steak的Allyoucaneat任食套餐，究竟他們怎樣可以抵抗任食的誘惑，而又保持到健美身材呢？且聽他們一邊帶我們搵食，一邊談談他們的健美之道。
記者：梁學文
攝影：陳偉強
Hair：DominicTao@O4Orient4（Vanessa）
Make-up：SynniTam@YMCK（Vanessa）
Mr.Steak任食套餐海鮮至抵食
他們兩人同樣愛吃海鮮，一講到哪兒又平又抵食，他們都推介Mr.Steak的Allyoucaneat套餐。Allyoucaneat有頭盤、有海鮮拼盤、牛扒主菜等等，一個價錢任食。任食唔怕肥咩？他倆自有一套KeepFit哲學。
海鮮拼盤
平時散叫，每款都過百元，吃任食套餐就可以任點任吃。Jimmy一見到隻北海膏蟹就第一時間拿起，再發現最愛的石螺在下底，就棄蟹拿螺。「我鍾意食呢款石螺，因為夠鮮味。」
極和牛短骨扒拼極黑牛金菇卷
來到吃牛扒出名的Mr.Steak，一定要吃這裏的牛扒。Jimmy：「牛肉含有蛋白質，傳聞食牛重可以減肥。」
雜錦冷盤
冷盤選擇多，如芒果帶子沙律和鮮蘆笋三文魚卷等。特別是前者，新鮮芒果肉加芒果汁，再配燒過的帶子好爽口。
橙酒梳乎厘
橙酒梳乎厘入口軟滑，酒味清香，再配呍喱拿汁，味更好。Vanessa將整個梳乎厘吃完，她真的唔怕肥。
Mr.Steak（28021128）
地址：灣仔港灣道28號灣景中心三里屯10號舖
時間：12:00nn-12:00mn
收費：Allyoucaneat晚餐每位$268（2位起）
Anytime款式多樣化價錢平民化
講到平時去得最多的餐廳，他們二人就想到去銅鑼灣的Anytime。Vanessa：「平時我同屋企人來得最多，因為呢度有港式菜、中西餐，連東南亞美食都有，一次過就可以滿足屋企人嘅要求。同埋我鍾意呢度有玻璃房，有私人空間之餘又可以望到出面，感覺靜中帶旺。」這裏幾年前開張時，Jimmy就來幫襯買果汁：「當時香港無乜JuiceBar，呢度果汁即叫即榨，新鮮好味。」
海南雞飯$78
Vanessa：「每次都係我食雞同飯，阿媽就飲湯。個雞鮮嫩入味，油飯又香。」
玫瑰紅豆春卷$26
Jimmy：「我本身唔食甜，呢個紅豆卷唔太甜最啱我。」而Vanessa都好鍾意食呢個甜品：「我成日都同人搶豆沙鍋餅隻角，呢個春卷就唔使爭，因為條條都好脆。」
Anytime無休館（21483388）
地址：銅鑼灣百德新街22-36號翡翠明珠商場1樓5號舖
時間：11:30am-12:00mn（星期六、日及假期11:00am營業）
Sabatini周日平食貴價菜
曾經在意大利住過的Jimmy鍾意食Pasta，Vanessa就愛意大利菜少油又健康。Vanessa：「禮拜日去食Sabatini嘅自助餐真係好抵，特別係食佢哋嘅ParmaHam，平時一碟都要$200。」要他們推介意大利餐廳，Sabatini是不二之選。
帕瑪火腿
火腿夠薄，口感極佳。Vanessa：「呢度嘅火腿好味，堪稱香港最好。」
吞拿魚茄汁意粉
意粉由廚師每日新鮮做，自助餐時在客人面即叫即煮。
Sabatini（27332000）
地址：尖沙嘴麼地道69號帝苑酒店3樓
時間：12:00nn-3:00pm、6:00pm-12:00mn
收費：SundayLunchBuffet成人$318、小童$238
名模KeepFit秘訣每餐只吃七成飽
Jimmy：「我咩都食，但會注意餐單要平衡，唔可以偏食。亦唔可以為咗一時貪靚就去減肥，食一個BirdMeal，雖可快速減肥，但好快又會重番。亦唔好節食或者狂做Gym，我試過為咗拍寫真，係咁做運動又食藥催谷，結果淨係谷得幾日，之後點都Keep唔番。」
Vanessa：「我啲朋友話我成日食，但係食極都唔肥，其實秘訣好簡單，每朝早要食早餐，每餐大約食到七八成飽。特別係夜晚嗰餐，唔好食得太飽，等個胃慢慢去消化，一定要培養到一個健康生活習慣。」
