「反叛主教」陳日君平日多談教區事務同政事，外界對佢私生活所知甚少，佢噚日接受電台訪問，透露日常生活輕鬆一面。主教話喺意大利生活九年，所以鍾意睇意大利同英國波，睇波時會飲啤酒剝花生，但近年尿酸高已少飲啤酒，血糖高又唔可以食朱古力，但就唔怕肥膩嘢，因為膽固醇好正常。
主教平日多數自己揸車出入，原來佢成四十歲先考車牌，因為教會有車卻冇人揸，惟有自己考牌，方便四處去，主教年紀唔細，揸車卻唔慢，「平時快少少唔怕」，亦有被扣分紀錄。
主教話，教區事務繁重，平日朝早六點就起身，要去唔同機構探訪同開會，天黑先返到辦公室睇文件，得閒會同教區小朋友飲茶，但就未去過唱K，因為佢鍾意唱嘅拉丁歌，一般K場都冇得唱。
傳真︰2623-9278
電郵︰[email protected]