搭飛機多過行橋嘅滙豐亞太行政總裁邵銘高，係具備晒獅子行DNA的典型賓架，即係好似做極都唔攰，永遠都在增值。佢老兄雖然一向較少接受傳媒訪問，但一講到滙豐喺中國嘅發展及亞太區嘅鴻圖大計，佢就一發不可收拾，而且妙語如珠，句句鏗鏘。
肥仔邵話，國內銀行規模唔野少，但究竟有幾大？恐怕大到連國內銀行自己都唔知，以四大國有銀行之首工行為例，「佢哋喺內地嘅分行，多過我哋香港嘅人手。」工行在全國有２億個個人戶口，「係滙豐成個集團全球客戶嘅四倍」！所以就算到06年內地金融市場開放，外資行都絕對威脅唔到國內銀行，佢形容：「我哋只不過係汪洋中的一滴雨。」
近期，肥彭出版的新書賣個滿堂紅，曾經喺阿根廷經歷過槍林彈雨的邵銘高，亦計劃將個人經歷寫成書，佢話集團主席龐約翰已經默許呢件事，奈何佢𠵱家冇時間，所以無法動筆。
忙足成年的邵銘高，稍後將與家人前往南非度假，到當地的國家野生公園歷險。可能佢想重拾面對驚險時嘅心情，先至可以投入寫書。
李華華