周潤發夫婦十分愛錫狗狗，數月前家中年邁的金毛尋回犬「花花」傷口生蟲，發哥為了照顧牠，每日親手捉蟲，但花花已於兩個月前病逝，發哥雖然傷心，但就再領養另一頭唐狗「Money」，連同兩頭自來犬，夫婦二人親自照顧三頭唐狗。
周潤發夫婦很喜歡養狗，現時他們家中共有三頭唐狗，黑色的叫「Lucky」、黑啡色的叫「Lotus」，啡色的叫「Money」。除了Money是收養之外，其餘兩隻都是自來犬。原本之前還有一對金毛尋回犬「花花」及「BB」，惜已先後死亡。
聞訊痛哭
發哥家中雖然有兩名傭人，但夫婦二人還是親自照顧三頭愛犬，發嫂說：「狗好有靈性，好鍾意主人親手照顧佢哋，好似幾個月前花花臨過身前，因為背脊有個傷口感染到細菌，係咁生蟲，老公（發哥）就每日用手幫佢捉，每日捉完十幾條蟲出嚟之後，重要幫佢消毒傷口。每次搞完，發仔真係連早餐都食唔落，因為過程都幾惡心，所以養狗真係少啲愛心都唔得。」
可惜花花還是於兩個月前死了，當時發哥和發嫂剛巧身在美國。發嫂說：「獸醫嚟睇佢（花花），話冇得救，要將佢送走（人道毀滅）。我細佬話花花上車後，對眼係咁回頭望，好想搵我哋兩公婆咁，但搵極都唔見，就垂頭喪氣咁去咗。我喺美國收到花花唔喺度嘅消息，足足喊咗大半日，之後嗰幾晚，同佢感情最好嘅Lucky成日喺佢嘅狗房守住，Lotus想霸花花間狗房嚟瞓，Lucky就係咁吠佢。」
猛舔發哥
花花死後，發哥於愛護動物協會領養Money，發嫂說：「老公話嗰度有好多狗需要俾有愛心嘅人照顧，所以唔贊成去寵物店買。」個多月前，發哥在愛護動物協會初遇Money，這頭犬一見到他，就不斷在其腳下打轉，又用舌頭舔他，發哥見牠如此精乖，就決定收養牠了。
採訪：魯萍 攝影：仇志德
逢星期一至五刊出
