「姐姐，早晨呀！」我正沿着魚池中的石屎樓梯落池撈水，準備用池水淋田，抬頭看原來係祥仔。「早晨！」祥仔以前好懶，成日畀父母話佢乜都唔做，淨係識食識瞓識屙。點知祥仔話自己係個大魚池，表面睇冇用，對於農家則好重要。一個魚池就係一個小型生態循環：要造個魚池大概挖五呎深，種些水浮蓮同水蜘蛛，讓啲根生長到池底，吸收泥土養份，同時亦會釋出氧氣，畀池裏嘅魚呼吸，更吸引到蚊的滋長，又可作為魚嘅食糧。最重要係池裏啲水，有好多魚嘅排洩物作肥田料，用嚟灌溉植物生長特別肥大。祥仔聽過陳老師講魚池，識啲唔識啲話自己係魚池，連陳老師都俾佢激到笑。祥仔忽然回頭：「我知姐姐你又笑我，我𠵱家唔再係魚池，勤力番啦！」「我知我知，我都冇笑！」咭！（五十）
阿花