噚日講過，李超人嗰檔3香港會搵「人氣」歌手衛蘭同光良拍輯新廣告，噚日下晝華華同班老友率先睇咗試播，個廣告主題係sell3仔部激新嘅全港最薄LGMuse3G手機，同埋佢哋個儲存咗5000首歌嘅全新音樂平台，取景係喺大學火車站，拍成點？坦白講，衛蘭係咁響個月台度拎住部電話喪跳（圖），幾切合最強音樂頻道呢個主題，但再細心咀嚼成個廣告同埋佢一身嘅裝扮，好似有啲日光日白見鬼feel，有口痕友仲話，唔怪之得中大咁多鬼古傳出嚟啦！
咁黎明師妹呢？係幾靚女，不過作為代言人，佢成個記招淨係一味笑，好似唔多識3仔啲機同埋服務，唔通真係要搵黎明出山？