楊利偉上太空就叻，估唔到書法都寫得吓。日前，喺武漢市文聯大樓舉行嘅一個書畫展上，楊利偉一幅書法作品「驚艷」亮相。今次書畫展義賣所得會捐畀基金會支持湖北文藝事業嘅發展。為善不甘後人嘅楊利偉大筆一揮，寫咗「可上九天攬月 談笑凱歌還」幾隻字，義賣一萬八千蚊人民幣，真係字字千金。